2024معرض
القاهرة الدولي للكتاب
بمركز
مصر للمعارض الدولية في التجمع الخام المعرض هيبدأ يوم 24 يناير وهينتهي يوم 6 فبراير.
والدخول
للجمهور بيبدأ يوم 26 يناير.
_تذكرة
المعرض من شباك التذاكر ، لأن لسه مفيش قرار نزل إن في حجز من ابلكيشن وطالما
مصدرش حجز التذكرة اون لاين يبقي الحجز من شباك التذاكر هناك أثناء المعرض.
_سعر
تذكرة المعرض؟
كانت ب ٥ ج السنة دي ممكن تكون ١٠ ج الله اعلم بس مش هتزيد عن كده..
التذكرة
بتاريخ اليوم اللي بتروحه يعني بتدخل بيها مره واحده فقط ولو هتروح يوم تاني بتقطع
تذكرة تانية..
_اي شخص
ينفع يروح المعرض عادي وحتي لو أطفال أو ستات أو رجالة ايًا كان اوالسن الكل بيدخل
عادي حتي لو مش كاتب وحتي لو مش قارئ..
لو مش
مهتم بالثقافة والكُتب مش هتحب الجو هناك ..
_ضيف
الشرف في دورة المعرض السنة دي؟
" الأردن "
يعني
هتلاقي ناس من الأردن كتير هناك، وبلاد مختلفة وثقافات مختلفة هتشوفها أثناء
المعرض بس الغالب الأردن..
وشخصية
المعرض في دورته ال 54 هو صلاح جاهين.
_المعرض
كبير وواسع والدنيا بتبقي زحمة امشي مع حد فاهم علشان هتتسوح لو بقيت لوحدك هناك،
ده غير شباك التذاكر وطابور الدخول بيبقي زحمة وخصوصًا يوم الجمعة واول ما تدخل
هتبقي مش عارف تروح فين ولا تعمل ايه فا لو اول مره تنزل المعرض متنزلش لوحدك..
_عايز
تروح ومش عارف هتروح ازاي! ومش عايز تكون لوحدك..
مبادرة
هنلف مصر هتكون متواجدة في المعرض يوم 27 يوم الجمعة ..
في تجمع
من مدينة العاشر وتجمع من مدينة السلام الإتنين هيتجمعوا عند مواصلات المعرض ،
تقدروا تنزلوا مع البنات هناك وتقضوا اليوم معاهم، مش هتحسوا انكم لوحدكم نهائي ،
معاكم حد فاهم طرق المعرض والصالات هناك بدل ما تروح وتتوه لوحدك في المعرض، وتبقي
مع ناس احسن ما تبقي لوحدك..
_مننساش
أهم شيء إن مفيش شبكة نهائي داخل صالات المعرض فا صعب التواصل مع حد ولا واتساب
ولا فون ممكن في شبكة بسيطة في البلازا، فا لو هتتجمع مع حد قابله علي بوابة
المعرض علشان جوه زحمة ومفيش شبكة ومش هتوصلوا ل بعض، ماشي مع حد خلي بالك منه
علشان مش تبعدوا عن بعد علشان هتضيعوا اليوم في إنكم تدوروا علي بعض..
_أسعار
الكتب؟
عالية
جدًا السنة دي ودا واضح من سعر الورق والكتاب الواحد وصل ل ٤٠٠ ج واكتر وفي اقل بس
الكتب زادت جدًا..
فلو ناوي
تجيب كتب اعمل حسابك في ميزانية عالية شويتين تلاته علشان هتلاقي هناك إصدارات
بتشدك وإنتَ بتتفرج ومش هتبقي عارف تجيبها..
_الأكل ؟
خد معاك
وزود ميهمكش اليوم طويل ومفيش مكان تقعد فيه واهم من الأكل تاخد ازازة ماء كبيرة
جدًا ..
ليه؟
الأكل هناك غالي اوڤر وسعر ازازة الماء الصغيرة كانت ب ٢٥ ج ومعرفش
السنة دي وصلت لكام ومفيش مكان لما تخلصها حتي ترجع تملاها تاني، فا خد معاك
بزيادة في شنطة كده واكل كتير لأنك هتلف كتير ومفيش مكان تقعد فيه وخد معاك كل
المستلزمات اللي ممكن تحتاجها علشان متتسوحش في المعرض.
_حتي لو
مش هتشتري كتب؟
اسأل في
دور النشر عن الإصدارات الجديدة وخد فكرة وهتلاقي كُتاب حواليك في كل مكان، فا
مفيش مانع تدخل في النقاشات هناك وتتكلم وتبادل الكلام عن الثقافة والكتب واكيد
هتستفيد من اي حد بتتكلم معاه هناك من دار النشر، ولو حابب تتصور مع اي حد محدش
بيرفض والكل بيوافق ويفرح جدًا فا متتكسفش واطلب إنك تتصور علشان متندميش بعدين.
_الفترة
دي كل الكُتاب بيعلنوا عن الأغلفة للكُتب بتاعتهم، دور النشر والكُتاب بيسوقوا
للكتب والكُتاب اللي عندهم وهما محتاجين كل دعم حقيقي، لأن فترة قبل المعرض صعبة
نفسيًا بجد واي شخص عايز روايته توصل لكل الناس وأجواء من التوتر عامة حقيقي علي
الكل ، فا مفيش مانع لو شوفت بوست لكاتب تشجعه وتدعمه علشان ده هيفرق معاه جدًا
وخصوصًا الفترة دي اكتر من اي وقت تاني.
وفيه
مبادة بداناها بعنوان #أحب_ان_تدعموه
وهي انك
ترشحلنا كاتب بتحب تقرا له او كاتب صغير وندعمة كلنا ...
فترة
المعرض بتبقي فترة لذيذة وحلوة ومبسوطين فيها وفي نفس الوقت مرهقة بشكل كبير، بس
بنطلع منها بذكريات ومعارف جديدة كل سنة، وبمعلومات جديدة،
إن شاء
الله كلنا نقضي فترة المعرض علي خير وكل موسم معرض وإحنا بخير ياحبايب ونتقابل علي
خير يارب